Neurologjia

Neurologjia është dega e mjekësisë që merret me studimin dhe trajtimin e çrregullimeve të sistemit nervor, qendror (truri dhe palca kurrizore) dhe periferike (të përbërë nga të gjithë elementët e tjerë nervorë, duke përfshirë strukturat e pranishme në sy, në vesh dhe në lëkurë).

Neurologi është një mjek i specializuar në neurologji. Ai merret me diagnozën dhe trajtimin e problemeve që prekin trurin, palcën kurrizore dhe nervat, por pa përdorur kirurgji, fushë e veprimit të neurokirurgut.
Shumë neurologë janë të specializuar në fushën e neurologjisë, për shembull në trajtimin e iktusit, epilepsisë, problemeve neuromuskulare, çrregullimeve të gjumit, dhimbjes, tumoreve të sistemit nervor ose problemeve tipike të moshës së tretë (pleqërisë).
Patologjitë më shpesh të trajtuara nga neurologu janë:

– dhimbje koke dhe forma të tjera të dhimbjes së kokës
– çrregullime te të folurit
– çrregullime të lëvizjes
– epilepsi
– infeksionet e trurit dhe sistemit nervor periferik, të tilla si encefalit, meningjit dhe absese të trurit
– sëmundje cerebrovaskulare, të tilla si goditje në tru
– sëmundjet neurodegjenerative, të tilla si Alzheimer, Parkinson dhe Amyotrophic Lateral Sclerosis
– sëmundje që çojnë në humbjen e mielenit në sistemin nervor qëndror, siç është skleroza e shumëfishtë
– problemet e palcës kurrizore, duke përfshirë sëmundjet inflamatore dhe autoimune

Pas një historie të saktë mjekësore, neurologu kryen një ekzaminim fizik dhe neurologjik të pacientit, duke vlerësuar forcën muskulore, reflekset dhe aftësitë e koordinimit. Për të thelluar diagnozën mund të mbështetet në ekzaminime te tjera si:

• angiografia
• elektroencefalografia / EEG
• electromiografia / EMG
• Pet
• punturat lumbare
• rezonancë magnetike MRI
• Tomografia aksiale,etj

Një takim me neurologun është i dobishëm kur dyshohet për problemet e sistemit nervor qëndror. Simptomat që duhet të nxisin zilen e alarmit përfshijnë vështirësitë e koordinimit, dobësinë e muskujve, ndryshime ne aftesite ndjesore (duke përfshirë prekjen, pamjen dhe erën),dridhje te duarve dhe defekim i pavullnetshem.

Mjeket

Dok.Shk.Diana Naço
Dok.Shk.Diana Naço